കേരളത്തിൽ താപനില കൂടുമെന്ന് മുന്നറിയിപ്പ്
10:21am 27-JAN-2024
തിരുവനന്തപുരം: സംസ്ഥാനത്ത് പകൽ താപനില ഉയരുമെന്ന് കേന്ദ്ര കാലാവസ്ഥ വകുപ്പ്. കേരളത്തിൽ പൊതുവെ പകൽ ചൂട് കൂടി വരികയാണെന്നും ഇനിയുള്ളദിവസങ്ങളിലും ചൂട് ഉയരുമെന്നാണ് കാലാവസ്ഥ വകുപ്പിൻ്റെ മുന്നറിയിപ്പ്. കഴിഞ്ഞ ഒരാഴ്ച രാജ്യത്ത് ഏറ്റവും ഉയര്ന്ന ചൂട് പുനലൂരിലാണ് രേഖപ്പെടുത്തിയത്. ജനുവരി പകുതിയോടെയാണ് കേരളം ഉള്പ്പെടെയുള്ള തെക്കേ ഇന്ത്യന് സംസ്ഥാനങ്ങളില് നിന്ന് തുലാവര്ഷം പൂര്ണമായും പിന്വാങ്ങിയത്. തുലാവര്ഷം പിന്മാറിയതോടെ ചൂട് കൂടാന് തുടങ്ങി ഇതിന് ശേഷം കേരളത്തില് കാര്യമായി മഴ ലഭിച്ചിട്ടില്ല അടുത്ത ദിവസങ്ങളിലെ കാലാവസ്ഥ പ്രവചനവും കേരളത്തിന് മഴ ലഭിക്കാനുള്ള സാധ്യത പ്രവചിക്കുന്നില്ല.